هو صحيح الهوى غلاَّب
غناء أُم كلثوم - شعر محمود بيرم التونسي
+++
هو صحيح الهوى غلاب . . . ماعرفش انا
والهجر قالوا مرار وعذاب      واليوم بسنة
جاني الهوى من غير مواعيد     وكل مادا حلاوته تزيد
ما أحسبش يوم ح ياخذني بعيد
يمني قلبي بالأفراح
وارجع وقلبي كله جراح
إزاي يا ترى ؟
! أهو ده اللي جرى
وانا ما عرفش
+++
! نظره .. وكنت أحسبها سلام ... وتمر قوام
! أتاري فيها وعود وعهود وصدود وآلام
وعود لا تصدق ولا تنصان
عهود مع اللي مالوهش أمان
صبر على ذله وحرمان
وبدال ما اقول حرمت خلاص
أقول يا رب زدني كمان
إزاي يا ترى ؟
! أهو ده اللي جرى
وانا ما عرفش
+++
.. يا قلبي آه .. الحب وراه .. أشجان وألم
واندم واتوب   وعلى المكتوب   ما يفدش ندم
ياريت أنا أقدر أختار
ولا كنت اعيش بين جنه ونار
نهاري ليل وليلي نهار
أهل الهوى وصفوا لي دواه
لقيت دواه زود في أساه
إزاي يا ترى ؟
! أهو ده اللي جرى
وانا ما عرفش

Poésie arabe (الشعر العربي)
Page créée par Dr Aly Abbara

aly-abbara.com
avicenne.info
mille-et-une-nuits.com
Paris / France